Pesta Puisi Akhir Tahun SPS Jogja

dok. pribadi

Ombe’ Tase’

Oleh: Marsus Banjarbarat

“Olle ollang, paraona la majenga

Olle ollang, mangkate dari Madure”

Sonar are nyellem e ponca bere’

Lajer parao bar-kerbayen e penggir tase’

Ombe’ agulung-gulung

Jukok-jukok pade nyellem

Nyongsep ka delem tase’ se delem

Angen ser-ngalesser

Nyarepsep ka kole’ beden

Nyapo paser e penggir pantai

Olle ollang

Paraona jel-gunjalan

Nyabreng ombe’ se beng-tabengan

Ombe’ pote akanta labun oreng mate

Olle ollang

Dari attas langnge’ se petteng

Bintang-bintang pada mettem

Bulen ngabes mellas

Ondem celleng calemoten

Reng majeng ebulet ombe’ del-gettelen

Malem tambe sorem

Soara ombe’ ngajebbur

Angen abentor lajer ancor

Aeng mata ngalocor

Akanta langnge’ se bucor :

Ojen dere, ojen nana

Olle ollang

Pello agili deddi aeng tase’ se accen

Mata panas tep-gettebban

Apandi dere dari lokana ate se posang

Parao tang-belintang

Eonjen ombe’ ben ojen

Reng majeng lang-nongkelang

Asapo’ jering lem-samalem

Sokman-bedenna ancor

Olle ollang

Reng majeng olle palang

Saomorra sang-tasangsang

Akorban nyabe sampe’ elang

Elang e anyo’ ombe’ ka koburen

Yogyakarta 2013

Baca Puisi Nusantara, Pesta Puisi Akhir Tahun SPS Jogja, 29 Desember 2013.